Total Users : 113
Total views : 215
Who's Online : 0
રીતેશ પરમાર
એજાઝ પટેલ ટેસ્ટની એક ઇનિંગમાં 10 વિકેટ લેનારો વિશ્વનો ત્રીજો બોલર બન્યો છે. તેણે ભારત વિ ન્યુઝીલેન્ડ વચ્ચેની બીજી ટેસ્ટના બીજા દિવસે એટલે કે શનિવારે આ ધુંઆધાર પારી રમી હતી. એજાઝ પટેલે ભારતના મોહમ્મદ સિરાજ રૂપે તેની 10મી વિકેટ લીધી હતી. ભારતના અનિલ કુંબલે અને ઈંગ્લેન્ડના જિમ લેકર પછી આ સિદ્ધિ મેળવનાર તે ત્રીજો ખેલાડી છે.
અત્યાર સુધીમાં ત્રણેય વખત આ રેકોર્ડ સ્પિન બોલરોએ જ બનાવ્યો છે. પરંતુ પ્રથમ વખત કોઈ બોલરે હોમ ગ્રાઉન્ડની બહાર આ રેકોર્ડ સર્જ્યો છે. અગાઉ અનિલ કુંબલે અને લેકરે હોમ ગ્રાઉન્ડ પર આ રેકોર્ડ બનાવ્યો હતો.
એજાઝ પટેલની આ 10મી ટેસ્ટ છે. આ પહેલા તે એકવાર પણ એક ઇનિંગમાં 5 થી વધુ વિકેટ લઇ શક્યો ન હતો. તેનું સર્વશ્રેષ્ઠ પ્રદર્શન 59 રનમાં 5 વિકેટ હતું. મુંબઈમાં જન્મેલો એજાઝ 68 ફર્સ્ટ ક્લાસ મેચ રમ્યા પછી પણ એક ઇનિંગ્સમાં માત્ર 6 વિકેટ લઈ શક્યો હતો. પરંતુ તેણે મુંબઈના વાનખેડે સ્ટેડિયમમાં નવો રેકોર્ડ બનાવ્યો હતો.
એજાઝ પટેલની 10 વિકેટ વિશે વાત કરીએ તો તેણે 2 ખેલાડીઓને બોલ્ડ કર્યા જ્યારે ત્રણ એલબીડબ્લ્યુ થયા. 5 બેટ્સમેન કેચ આઉટ થયા હતા.તેણે પહેલા દિવસે 4 અને બીજા દિવસે 6 વિકેટ ઝડપી હતી.
