લીંબડીના એક ગામે આઠ વર્ષની બાળકી ઉપર દુષ્કર્મ, નરાધમ શખ્સની ધરપકડ

પોલીસે એક શખ્સની ધરપકડ કરી તપાસ હાથ ધરી
સૌરાષ્ટ્રમાં દુષ્કર્મના કેસમાં સતત વધારો થઈ રહ્યો છે છાશવારે માસુમ બાળાઓને હવસનો શિકાર બનાવવામાં આવી રહી છે. હવસખોરોને કાયદાનો ડર ના હોય તેમ ઘટનાને અંજામ આપી રહ્યા છે. જેમાં લીંબડી તાલુકાના એક ગામમાં આઠ વર્ષની બાળકી ઉપર દુષ્કર્મ આચરવાનો બનાવ બનતા ખળભળાટ મચી ગયો છે.

લીંબડી તાલુકાના એક ગામ ખાતે આઠ વર્ષની બાળા ઉપર બળાત્કાર થયો હોવાની ફરિયાદ પોલીસ મથકે નોંધાતા ભારે ખળભળાટ સર્જાયો છે.તાત્કાલિક અસરે પોલીસ ગામ ખાતે પહોંચી હતી અને નરેન્દ્રસિંહ નામના વ્યક્તિની અટકાયત કરી કાયદેસરની કાર્યવાહી હાથ ધરવામાં આવી છે.
લોકોમાં આ ઘટનાને લઇને ફિટકારની લાગણી પ્રસરી છે. આઠ વર્ષની દીકરી ઉપર અઘટિત ઘટના બનતા પરિવાર દ્વારા ન્યાયની માંગણી સાથે ફરિયાદ નોંધાવવામાં આવી છે. જેને પગલે આરોપીની અટકાયત કરવામાં આવી છે. ત્યારે પાણશીણા પોલીસ હાલમાં આગળની તપાસ હાથ ધરી રહી છે.