Total Users : 113
Total views : 215
Who's Online : 0
સુરત શહેરમાં ગુનેગારો બેફામ બની ગયા છે અને ખાસ મહિલાઓના કેસમાં હનીટ્રેપની ઘટનાઓ સતત સામે આવી રહી છે. મહિલાઓ મોકાનો લાભ ઉઠાવીને લોકોને બ્લેકમેઈલ કરે છે, જેને લઈને લોકો બદનામીના ડરે આપઘાત પણ કરી લેતા હોય છે, ત્યારે વધુ એક ઘટના પ્રકાશમાં આવી હતી સુરતના વરાછા વિસ્તારમાં રેહતી યુવતી રીના હીરપરાએ એક યુવકનો ટેલીફોનીક સંપર્ક કર્યો હતો અને મીઠી મીઠી વાતો કરીને યુવકને વાતોમાં ફસાવ્યો હતો અને ત્યારબાદ શરીર સબંધ બાંધવા વરાછા ભગીરથ સોસાયટી ખાતે બોલાવ્યો હતો, જ્યાં આ યુવક જતા જ રીના હીરપરાના સાગરીતો પહોંચી ગયા હતા.
ફોટો પાડીને યુવતી સાથે બળાત્કાર ગુજારવા આવ્યો છે તેમ કહીને ધાક ધમકી આપી હતી અને બળાત્કારના કેસમાં ફસાવી દેવાની ધમકી પણ આપવામાં આવી હતી, જેને લઈને યુવક ગભરાય ગયો હતો જેમાં રીનાના સાગરીતોએ પહેલા 10 લાખ રૂપિયાની માંગણી કરી હતી અને ત્યારબાદ 2.50 લાખમાં પતાવટ કરી હતી જેમાં યુવકે 1.50 લાખ રૂપિયા મંગાવી યુવતીને આપ્યા હતા.
જોકે બાકીના રૂપિયા લેવા માટે સતત ફોન કરીને હેરાન કરતા હતા જેને લઈને યુવકને વરાછા પોલીસનો સંપર્ક કર્યો હતો અને ફરિયાદ નોંધાવી હતી, જેમાં વરાછા પોલીસે ગુનો નોંધી રિયા હીરપરા અને તેનો પતિ ભાવિન હિરપરાને પકડી પાડ્યા હતા અને તેની ધરપકડ કરી આગળની કાર્યવાહી હાથ ધરી હતી.
