Total Users : 107
Total views : 206
Who's Online : 0
મહેસાણા તાલુકા પોલીસ સ્ટાફની સરાહનીય કામગીરી સામે આવી છે. વિગતો મુજબ પોલીસ સ્ટાફે હોળી પર્વની ઉજવણી અનોખી રીતે કરી હતી. જે અંતર્ગત મહેસાણા શહેરમાં આવેલા માનસિક દિવ્યાંગ બાળકો સાથે પોલીસ સ્ટાફે મળીને હોળીના પર્વની ઉજવણી કરી બાળકોને ખુશી આપવાનો એક પ્રયાસ કરવામાં આવ્યો હતો.મહેસાણા તાલુકાના પી.આઈ વી.આર.વાણીયાએ પોતાના સ્ટાફ સાથે હોળીની અનોખી રીતે ઉજવણી કરી છે. પોલીસ સ્ટાફ દ્વારા મહેસાણા શહેરમા આવેલ ખોડિયાર એજ્યુકેશન ટ્રસ્ટ સંચાલિત દિશા ડે સ્કૂલ ખાતે માનસીક દિવ્યાંગ બાળકો તેમજ શિક્ષક સ્ટાફ સાથે મળી હોળી પર્વની ઉજવણી કરવામાં આવી હતી. આ દરમ્યાન પોલીસ કર્મીઓએ મ્યુઝિક ના તાલે ગુલાલ ઉડાડી દિવ્યાંગ બાળકો સાથે હોળી રમ્યા હતા. આ સાથે બાળકોને સાથે બાળક બની ખભાથી ખભો મિલાવી તેમને દિવ્યાંગ હોવાનો અહેસાસ નહિ થવા દેતા બધા એક છે તેવી રીતે હોળી પર્વની ઉજવણી કરી હતી.
માનસિક દિવ્યાંગ બાળકો સાથે પોલીસ કર્મીઓએ પોતાના વ્યસ્ત જીવન માંથી થોડો સમય આવા બાળકો માટે કાઢી તેઓના જીવનમાં રંગ પુરવાનો પ્રયાસ કર્યો છે. આ દરમ્યાન બાળકોના ગાલે રંગબેરંગી રંગ લગાડી બાળકોના ચહેરા પર ખુશીઓ લાવવાનો પ્રયાસ કરાયો હતો. આ સાથે પોલીસ કર્મીઓએ ખજૂર અને ધાણીનું વિતરણ કર્યું હતું.
